مساء الخير
نار وبارود هو سجالنا الثنائي الذي سيجمع الشاعرين المتألقين سليم بدير و روكز بو مشرق وبمشاركة موقع الوادي الإعلامي ومجلة منتدى بيت الشعر العربي تمام الساعة التاسعة من مساء اليوم و تقدمه أنيقة الحرف الشاعرة إيناس نويهض كونوا معنا لنتابع التشويق في نار و بارود..................
سليم بدير ياروكز يابن مشرق
بديري بيضلو مشرق
الليله في نار وبارود
بابتشر ق يابشرق
-------------------------
سليم نازل عا الميدان
ملبًك عم يرجف فزعان
راكب عا قصبة و جايي
يتحدًا فيها النيران
------------------------
سليم بدير أهلا وسهلا ب اطيب الخلان
جايي اليوم اعزمك عا لبنان
هون الحلا والشجاعة ي شريكي
كمشه من التلج وغمرة الحلوين..
وباسي بينوزن بالذهب اطنان
----------------------------------
قبلت العزيمة يا شريك
عا بلاد الارز جاييك
بلادي جمالها ب يرضيك
و عن كل الدني ب يغنيك
بيكفًي تخبًرني عن الحلا
جايي اليوم لا حولا و لا
عا كتف الغيم لاقيك
-------------------------------------
عقلك ملبك ليش عم ترجف
رح طول البال عليك بالردات
وانت جايي توعى من الغيمات
جلبوط بعدك صغير ت ترفرف
---------------------------------
لا تطوًل بالك يا بيًك
و جلبوط ما ب يسوى هيك
ب يكفي ب شعرٓك شايف حالك
روكز نسر الشعر قبالك
ب القوافي هاجم عليك
------------------
سليم بدير قلت جلبوط تايحلي الجو يارفيقي
خليك صاحي مليح من مرمرة ريقي
ولو جيت احسب الأخماس بالأسداس
ابن اوى رح ياكلك وشربو من بريقي
------------------------------------
عن نسري كلامك مَش صحيح
نسري لو دقيقة ب يلمحٓك
النسر لو جانحو مكسور و جريح
ب ضل واقف ب وج الريح
و عا طلوع الضًوً ب ريشو ب يدبحك
----------------------------------------
سليم بدير السبع بالغابه بخدمتو الريح
بيزأرتو دوخ افواج التماسيح
الضبع والذيب ونسرك المسكبن
فراشه بترعبن اطمن واستريح
------------------------------------
سبع الغاب عمرو الغاب ما ترك
شو جاب التماسيح عا محضرٓك
الضبع و الديب ما ب همًن فراشة
يا ويلك من خرطوش فراشي
و نسري عا باب الغاب ناصبلك شرٓك
-------------------------------------------
سليم بدير مابينفعك ياروكز لا نزول ولا طلوع
ولا شرك نسرك الفرفور والموجوع
سبعي بيترك الغابه ساعة اللي بيريد
ونسرك المجروح من السبع مسبوع
-----------------------------------
نسري معوًد على النقودة/ي
ل عندك على الغابة غدي
مجروح منًك يا سبع مغرور
ل علمك تتحدًى نسر الطيور
ل فرفك دينيك يا سبع مقهور
و لعًبك ب غابتك لعب الجدي
-------------------------------------
سليم بدير نسورك خشبه ولبواتي محصنه
بتكشف الفرسان من لعب الولدني
روح تسلى ياابني بشى كمشة كلل
وشفلك شى نقيفه بيكفي سعدنه
--------------------------------------
النقيًفة عندي ب تلبًي
و نسورا ب تشرب دم مربًي
و يا لبوات بقلًك ب محبًة
ب جنحو نسري شق الغيم
يا اسود ب عرينك تخبًي
-----------------------------
سليم بدير لاتستنجد ب لبوة مارح تنفعك
لا بالمحبه ولا غيرا بيشفع فيك
رح وجه ملوك الجن تا تتلبسك
يابتفهم يا رح يتضحكو عليك..
------------------------------------
نار و بارود عيب تحكي ها الحكي
يا ما نسري سقاك ب كفوفك بكي
نسري هجم عليك ب الليالي الحالكة
عليك و على ملوك الجن فاتح معركة
تا يضل ينقود فيك يا سبع الغاب
حتى روحك تطلع لعند الله تشتكي
---------------------------------
سليم بدير بالشعر مافي عيب بس رداتك بهدله
بارودك مبورد ياجلبوط وناري مشعله
طيرك مهلهل ياروكز،عفاريتي معربدي
بلا نقودي ياصاحبي وبلاطق الحنك
بيكفيك جمره صغيره بتنهي المهزله
------------------------------------------
ضب عفاريتك يا شريك
من النقودة مَش رح تحميك
بارودي من فرقيع الديك
ب تولًع النار اللي فيك
علقت بين ايديًة و عم تكبًر راس
عا نارك بدًي اشويك
----------------------------
Inas Nowaihed انتهى هذا السجال بين الشاعر سليم بدير والشاعر روكز بومشرق اللذين ابدعا
Roukoz Bou Mechrek تسلمي كلًك ذوق! شكرا
نحنا محبينو ل الزجل
و سليم ما بيني و بينو
لا خلاف و لا جدل
ب حترمو عا سلامة عينو
-----------------------------
سليم بدير تشرفنا بمعرفتك استاذه أناس نويهض. .
والشكر الجزيل ايصا لشاعرتنا لبوة مصطفى
-------------------------------------------
ليست هناك تعليقات:
إرسال تعليق