((((( البعد كان إختيارك ))))))
ابتعدت عني وكان يومها اختيارك
إخترت غيري يسعدك و كان هو قرارك
ليه ألقى الدمع بعيونك كل ما أشوفك
ليه أحس بالحسرة فيك وسوء ظروفك
إنت اللي أخترت وحدك تكون عني بعيد
إنت اللي قلت يومها تبي تكون سعيد
ليه للحين باقي تطاردني بعيونك
ليه كل ما أشوفك دمعك فوق جفونك
وين الفرح و السعادة اللي إنت فيها
ليتك تخليني ولو مره أحس إنك بيها
بسمتك ما عاد لها طعم ولا روح
كلمتك مخنوقه و كأن قلبك مذبوح
إنت اللي أخترت تقطع حبال حبنا
وقررت وحدك نتصدى أنا و إنت لقلوبنا
تذكر ولا كفاية عليك ألم ووجع الماضي
عساك اليوم يا غرام الماضي إنت راضي
مهما صار بيننا زمان من خلاف وزعل
عمري ما أتذكر شوفت بعيونك يوم ملل
قبل أشوفك حسبتك أحسنت الاختيار
لكن للأسف قرارك كان عليك جمر ونار
ماعاد اليوم أقدر ولو بكلمة أساعدك
ولاعاد لي حق من بعد اختيارك أواعدك
أشكرك دمرت أجمل شيئ لي بحياتي
دمرت قلبك و كل حب جميل بذكرياتي
خلي التحدي و العناد الحين ينفعك
أنهيت غرام قلب أسوء مافيه كان يتبعك
صائغ القوافي الشاعر
فهد بن عبدالله الصويغ
20-3-2017
فهد بن عبدالله الصويغ
20-3-2017
ليست هناك تعليقات:
إرسال تعليق