وانت بتاكل رز ولحمة
خلى فى قلبك حبة رحمة
وبص لناس مش لاقية اللقمة
وناس من الغلب تاهت فى الزحمة
بص لناس ضاعت فى بلدها
مش لاقية الاكل يا بيه لولادها
عمالة تاكل فى بواقى سعادتك
وقلوبهم شابت قبل ميعادها
وانت بتاكل خلى فى بالك
فيه ياما عيون محرومة بصالك
تتمنى فيوم تحن عليها
او تديها من فضلة مالك
وياما ناس تاهت بعقولها
بياكلو حجات مش قادر اقولها
بص عليهم فى الصورة يا بيه
مسا بوش حاجة لقطة تاكلها
وانت يا بيه عامللى وليمة
وعامل زى نجوم السيما
شفت الفقر وناسو يا بيه
عاشت بلدى بناسها عظيمة
بقلمى
مجدى ابو زيادة
مجدى ابو زيادة
ليست هناك تعليقات:
إرسال تعليق