(((((( نفسي يامصر ))))))
نفسي اعمل حاجة
ماعملهاش حد قبلي
أخدك بالحضن
أبوسك بحري وقبلي
أطير وسط سحابك
وعلى نيلك أجري
نفسي أحضن شمسك
وأحني إيديا بطينك
العب ويا قمرك
و الأهرامات تحكي سنينك
أجمع مساجدك ويا معابدك
وأجلس بحضنك أدعيلك
حلوة يابلدي زي السكر
وقمحك فارش المناديل
نفسي برملك أتعطر
وأغني ويا الطير مواويل
بعشق سمارك ولون بحرك
يا صبية يا أم الخلاخيل
نفسي أقعد معاك لوحدينا
تحكيلي كل حكايتك
على شط النيل بليلة قمر
وأسمع منك بدايتك
أحط راسي على صدرك
وأكون أنا مرايتك
يا مصر ليك أنا عاشق
وعشق الوطن واجب
بحبك وحبك بدمي يجري
وإسمك مرسوم ع الحاجب
يارب تعيشي يا بلدي
وكل بيك يتعاجب
صائغ القوافي الشاعر
فهد بن عبدالله الصويغ
26-6-2017
فهد بن عبدالله الصويغ
26-6-2017
ليست هناك تعليقات:
إرسال تعليق