انا وحصاني،،،،،،،،،
ورسمت حصان رهوان
بيجري ويرمح في الوديان
بيسابق صوت الريح
حصاني بيجري وهو جريح
مش عارف على فين رجليه وخداه
شايف الفضا قدامه فسيح
وهو بيجري صوته صهيل
لكن صوته مكتوم جواه
وحصاني حزين لكنه جميل
وحصاني شايفني من عالبعد
واقفله هناك ومستنيه
وحصاني حالفلي ما حد يقوده
غيرى وبيجرى عشان يوصلي
وبيسألني عاللى حصلي
وانا مش عارف هااقوله ايه
أقوله كبرت أقوله هرمت
أقوله الفارس بقي مهزوم
بقي مكلوم
أقوله المالك بقي مملوك
وحصاني حزين
وصهيله جواه ممزوج بأنين
واكمنه امين حاسس بيا وحاسس بيه
حاسس بيا وباللي جرالي
وحصاني حاسس انه لما هيوصل
مش هيشوفني او يلقاني
انه يشوفني وسيفى مكسور
انه يشوفني هناك مقتول
مرمي خلف السور
ويبكي عليا
ويموت جنبي زي العصفور
بجناح مكسور
يا خساره عليه ياخساره عليا
يا خساره علينا احنا الإتنين
انا وحصاني،،،،،،،،،
كلماتد/عادل ابو محمد
ليست هناك تعليقات:
إرسال تعليق