بالشعر قلي بدك زغللي
وخلي الانوثة بعيدي عن المرجلي
قلت الزجل مش بس للرجال
اصل الزجل خلق للنسوان ل.مدللي
قلي الزجل بدو صوت بيهِدو
وانتوا نواعم وانغامكم ما بتودو
ومهما ارتفعت اصواتكم بالرندحة
متل صوتنا مين للجبل بيهِدو
قلت
الزجل مش بس صوت انغام
الزجل موهبة وشدّ اللجام
انا بنت الزجل وبنت الكرام
بكفي تعمل حالك بو علي
قال
بو علي انا وكلامي بجلّ
متل افضالك بحترم وبجِل
ولو ما حكي هدّ ومراجل
ما كان سموني بالزجل بو علي
قلت
البساطة للشاعر اصل شهرتو
ولولا النسوان بزجلكم ما انشهرتو
وكل حكيكن عن عيون الغزلان وشهرتو
ولما بينذكر اسم العلا بتغلي غلي
قال
بعد كلامك ما عندي كلام
غني بالزجل وحقك تدللي
بس خلي عيونك سارحة بالهيام
وما عاد بين ابياتي تتسللي
قلت
كلامك ذهب وحروفك الماس
ومش ممكن الفضة بالذهب ينقاس
رح تبقى حروفك بالشعر نبراس
وبضل انا تلميذتك يا بوعلي
علا فياض سبيتي
فضفضة كلام مع شاعر الكرام...
زينته بطيب انغام...ليحلو الكلام
زينته بطيب انغام...ليحلو الكلام
ليست هناك تعليقات:
إرسال تعليق