.... ( أنا وطبق الملهبية )
.
وفي يوم عصرية ولا
هي مغربية
كنت وحدي بتغزل
في طبق المهلبية
فستق ولوز تسلملي
الحلوة إيديا
وفجأة وبدون إحم
ولا دستور .
ولا حتى سلام
ياعنيا
لقيته بيقلي الموكوس:
أنا حتجوز ياعطيه
وحجبلك ضرة
ودي قصة منتهيه
لازعيق ولا خصام
ولا تقوليلي حرام
عليك
دنا ولية
هي مقضية
مقضية ،،
دي خرجتك ياخويا
الي منهيه ومقضية ):
واسكت يالساني
متقلش الي بيا ،،
بالبركة ياابو عيالي
ياسبعي وكل الي
ليا
واخدته بالحضن
بحنيه
وانا بفكر
أقطعه طرنشات
ولا اسلقه في
ميه مغليه^^
ابقا اعطيني
مفاتيح الدكان
والشقه والعربيه
مهم كلهم بإسمي
وانا عايزاهم
في اللحظة ديه!!
وضحك ابليس
من كيدك ياإنسيه 
ولقيت المتعوس
بيتسحب زي
الحراميه
وبصوت مهزوز
اتقلب عبدالمتعال
لخالتي نبوية،،
هو انتي صدقتي
ياعطية
داانتي وردتي
الندية
بس متنسيش
تعطيني فلوس
الجمعيه يااحلا
عسلية،، *
يعني مافيش جواز
ولا مثنى ولا رباع
ولا زينب ولاحمدية،،
طب ابقا زود التوم
في التقليه
واشهق بصوت عالي
وانت بتحطها على
الملوخية
وعايزة الرز بالشعرية
اصلي بحبه آوي
ياعنيا ^^
ورجعت وحدي
أنا ونفسي
وطبق الملهبيه )
)
بقلمي نونا محمد
ليست هناك تعليقات:
إرسال تعليق