لقمة عيش
_____________
لقمة عيش وتسد الجوع
ولا فيلا وقصر وشئ ممنوع
لقمة تكون بحلال بتشبع
اصل يا صاحبي منيش مفجوع
لقمة حلال بتزيد في الصحة
بركة يا خال ودعاء مسموع
ملهاش لازمة تخالف ربك
كل كلامك له مرفوع
لازم قلبك يخشع ديما
اصل التقوى لازمها خشوع
واوعى تفكر انك باقي
بعد هلاكك تاني رجوع
وهتتحاسب جبته منين
ولا صرفته فى كام موضوع
وسط خلايق تيجي بشيلتك
مش راح ينفع بكا و دموع
مش راح ينفع الا الطاعة
وسجدة لربك ولا ركوع
_____________________
للشاعر / احمد الشناوي
ليست هناك تعليقات:
إرسال تعليق