الشكوى لغير الله مذله
يابلدنا ليه لينا معانده
وللظالم مسانده
هو انتى ماسكه علينا ذله
ولا الهوان فى بلادى محنه(من الحنيه)
انا مش شايف مستقبل
ديه باينلها بتستهبل
تصرف فلوسها على البهوات
من فنانيين وفنانات وراقصين وراقصات
والغلبان من الفقر مات
والبحث العلمى زمانه فات
وبقت خد وهات
وبزنس وشويه مساومات
والضمير كان هنا ورحل عنا من ساعات
طب نشكى لمين يابلادى
نشكيكى للاعادى
طب حالك عاجبك ومبسوطه
ولا حاسه انك موروطه
فى دوامه ومربوطه
طب الحل محتاج تكاتف
وبلاش فى بعضنا نناكف
ونسيها تضيع منينا
ونقول اصل ربنا حامينا
وشعارات كدابه ورنانه
اصلها سنن كونيه
لا بتتغير ليك ولا ليا
ياعالم عايزين نفوق
يمكن ربك ياخد بايدنا ونروق
ونرمم بايدينا كل الشقوق
انت ابن بلدى وليك عليا حق
اخد بيدك واسامحك وانصفك لو ليك حق
غير كدا يبقى الله يرحمك يابلادى
والموت علينا حق
#ابواويس_محمدعبدالرحيم
ليست هناك تعليقات:
إرسال تعليق