لو كان ف العمر بقيّه
هفضل احبك ياحبيبى
ولا ف الخاطر والنيّه
انساك ابداً ياحبيبى
عارف انك مش ليّه
وراضى بكل نصيبى
الله يجازيك ياحبيبى
صحّيت احلامى ف عينيه
وكأن انت ياحبيبى
ويايا وملك ايديه
وان كان عليّه ياروحى
اخبيك جوّه عينيه
من كل الناس والدنيا
لكن شئ مش بإيديه
ولا ماشى زمانى بكيفى
حرام يادنيا حرام
كل دا..الغرام
وطيفه يقابل طيفى
ولا قادر اشوفه ثانيه
ياخوفى ااااه ياخوفى
ع الايام الجيّه
لما تغيب ياحبيبى
وانا محروم منك
من ريحتك والحنيّه
الجنه انت ياحبيبى
والنار بُعدك ياعينيه
وانا راضى بكل نصيبى
لو كان ف العمر بقيّه
الجوهرى عبدالله
ليست هناك تعليقات:
إرسال تعليق