*مش بتفرح*
انت فاكر لو هعيش
هيكون عشانك
ولا فاكر لما اغني
يكون غنايا كله ليك
انت مخلوق مش بتفرح
باللى جالك
ومش بتبكي ع اللي
دمعه سال عليك
****
لو كنت اشتقت ليا
كنت تمسح يوم دموعي
او تداوي جرح منك
كان بينزف من ضلوعي
انت انسان كل همك توري
للعالم خضوعي
بكره تعرف اد ايه
كسرت وسط الموج قلوعي
****
غني وافرح طب براحتك
مانت كنت عليا جاني
غزلت من حبل الوداد
احزان كتير كانت عشاني
هو ليه مكتوب عليا اعيش
ف حلم واصحى تاني
كنت سيبني اكمل المشوار
عرفت انك اناني
****الشاعر / احمد الاسيوطي
ليست هناك تعليقات:
إرسال تعليق