كلام الكدب
----------
بص وشوف كلام الكدب متزوق
اسمع عشان الصدق فيه ما بيحوق
شارب المرار أبن الحلال ومتكيف
كانه شارب كاس م العسل ومروق
----------
عشان يا ناس ع المر بقى متعود
كل الجراح بقت على قلبه بتحود
دايما يسامح وجوه منه الخير كتير
كلام الصدق عنده اساس بيتردد
----------
تشوفه وهو بيدندن بصوت كروان
قاعد وحده وبيغني تحلف تقول فنان
ينسى الهم ويسافر يروح لبعيد باغنيه
بسيط الحال وعمره ماعاش ظالم انسان
----------
الشاعراحمدعبدالله الاسيوطي
ليست هناك تعليقات:
إرسال تعليق