خليك فاكر ياحظي
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
خليك فاكر ياحظي
أنك ملكش عندي
جمايل ...........
وخليك فاكر كمان
لما قلت لي
أصل أنت من الأساس
خيبتك كبيرة ومايل....
لحد ماضيعت العمر
كله مني أنت والدنيا
بفعل فاعل .................
ودستوا عليه بالجامد قوي
وحرضتوا
عليه الحبيب
قبل الغريب
وكل القرايب..... ...........
خليتوا ياحظي
عبق الماضي الجميل
يبقا ذكرى أرددها
بين الناس وكل القبايل ......
ياسلام عليك ياحظي
خفتني من الوجود
وطويتني زي الكتب
كأني ميت كدا
أومختفي هارب ...........
جاي لي النهاردة
ياحظ وعايز
تقلب عليه تاني
المواجع
وتقولي خدني
ليك
من الساعة دي
صديق وصاحب...................
ماعدش ينفع ياحظ
أصل اللي مات
في الدنيا وهو حي
ومشت
في جنازته الخلايق..
عندهم بقا كدا مات
وأصحابة
الأموات
وماعدش
أسمه عندهم
يفرق ولا فارق .........
بقلمي...... جمال حلمي
ليست هناك تعليقات:
إرسال تعليق