خاص بالمسابقه .. عاميه ....
**هابعد **
............
هابعد واخبى - حزنى فى قلبى
و ادفن ظنونى - فى ليلى وشجونى
هانشف دموعى - والعن رجوعى
لشوقى وهمى - وهارفض خضوعى
مانتى اللى بعتى - بقسوه هجرتى
غدرتى وخونتى - حنينى وعهودى
كان كل ذنبى - شوقى وحبى
كرمى وطيبتى - وحبى الجنونى
حقبقى كرهتك - وكرهت سيرتك
وكرهت قلبى - إللى حبك وصانك
عيشى بخداعك - خلاص قلبى باعك
رخصتى و هونتى - كاره وداعك
ولو مره شوفتك - ولمحت صورتك
هاعاتب عيونى - والنن اللى شافك
ها اغير طريقى - وهابعد حقيقى
واصارع همومى - واهجر مدارك
ها سافر واهاجر - وادوس ع الجراح
مش هاسمح لقلبى - ببكا والنواح
لا هاشكى ولا احكى - على حب راح
ولا هادمع ولا ابكى - واطلب سماح
هادفن أهاتى - فى دنيا البراح
وصبرى فى حياتى - يكون السلاح
مش هاسمح لنفسى - اشحت حنانك
على روحى ها اقسى - مش ها استعطف جنابك
ينور فى وشى - نور الصباح - ياخدنى ويبعد- بعيد عن ديارك
أفكار .... فاروق إبراهيم .... من مصر
ليست هناك تعليقات:
إرسال تعليق