خاص بالمسابقه
الفئه عامله
قررت
امشي وابعد عنك
واسيبك ويا غيري
يمكن يحافظ عليكي
ويحميكي من بعدي
غصب عني ياحب عمري
اني اودعك في
نص الطريق
يمكن هعيش من
بعدك وانا مجروح
وبتعذب
بس ده احسن ليكي
همشي في طريق
وحدي ومش هختار
بعدك رفيق
غير الوحده والضلمه
والنور الخافت البسيط
ولو قبلتك بالصدفه
ولاقيتي عيوني بتشكي وتبكي
سيبيني كانك متعرفنيش
وخدي بالك من نفسك
وعيشي وافرحي واتهني وحبي
وعيشي السعاده
واتولدي من جديد
في حب يقدر قيمتك
وينسيكي الماضي
بكل ما فيه
بجرحه وحزنه وهمه
وعيشي الف سنه
من بعدي
كلها فرح وهنا
ولا تشوفي يوم حزين
بكتبلك وانا بغرز
في قلبي سكاكين
لاني من بعدك
هعيش وحيد حزين
بقولهالك وانا بتالم
انا ما استهالكيش
انتي ملاك بريئ
حرام تعيشي
وسط الشياطين
دي رساله وداع
ما بينا
بكتبها بدمعي ودمي
وبقولك انسيني
وحاولي تبداي
من جديد
وداع ياحب عمري
وداع ياقلبي وعقلي
وداع يا كل حاجه
حلوه في دنيتي
وداع ياحلمي البعيد
***احمد ناجي***
ليست هناك تعليقات:
إرسال تعليق