فنجان قهوه وسجاره
***************
مع اصحابي تحت العماره
نتجمع وقت العصريه
واشوف حبيبتي معديه
وهيا راجعه م الكليه
بيتها عندنا في الحاره
عمي احمد فاتح عطاره
ندهلي عندو وتحاني سجاره
قلي نظراتك كترت في النور
صرحني بلاش تلف تدور
عايز افهم ايه العباره
اتبسمت وقلت عارفني وعارفها
بنسي الدنيا يا عمي لما اشوفها
لقيته استغرب قام لبس النطاره
قال شوف يابني هما كلمتين
عارفكم كويس انتو الاتنين
بتحبو بعض من الثانويه
راحت كليه غير الكليه
وعشان تخلص باقي سنتين
شاطره في المدرسه رغم الحب
دخلت هندسه هيا دخلت طب
ايه رائيك تطلبها وتروح تخطبها
كون نفسك وامشي في الدرب
كلامك عين العقل ومنطقي
هخطبها وابداء افرش شقتي
شكرا عمي احمد علي النصيحه
كلامك علي راسي يا شيخ حتتي
قابلت حبيبتي وقلتها بعد السلام
قالت كلام بصراحه اجمل كلام
اخلص سنتين يكون خلصت الشق
ه
بصراحه كلام عمي احمد كله احترام
عملت خطوبه وعزمت كل اصحابي
ذاد عشقي ليها هيا كل احبابي
عدو السنتين والشقه فرشتها
وعملت فرحي وحبيبتي اتجوزتها
من بيتي لشغلي وارجع واقفل بابي
اتعشي وتجيبلي حبيبتي في الصاله
فنجان قهوه وسجاره
بقلم الشاعر /. محمد سالم
ليست هناك تعليقات:
إرسال تعليق