بسم الله الرحمن الرحيم
متأسفين ...!
*******************
شاعر أم الدنيا الحزين
متأسفين ... متأسفين
علي كل كلمة حب ...
قالها قلبي الحزين ...
متأسفين ... متأسفين
علي الجراح والأنين ...
متأسفين ... متأسفين
علي اللي ضاع ....
من سنين ...
متأسفين ...
وإحنا كنا المجروحين ..
.
أتسامحنا في جرحنا ...
ويّا ناس غدارين ....
باعوا فينا واشتروا ...
العواطف والحنين ...
وبقلوبهم افتروا ...
في قلوب الطيبين ...
قلبي صرخ فيّا وقال ...
مش تقول متأسفين ...!
وان قولتها تبقي لمين ؟!
ناس فاتوك للجراح ...
وهما عايشين مرتاحين ...!
كبريائك ليه ظلمته ..؟!!
ماء وجهك ليه تهين ..؟!
في الحياة يا ما تقابل ...
قلوب كتير مجروحين ...
يفرحوا لكن بحزن ....
والشعور الدفين ....
ممكن تقول يا بختهم ..
وهمّا منك خجلانين ..!
يعبّروا عن يأسهم ...
بان شكلهم متفائلين ..!
قلبي سأل إيه الحكاية ؟!
إيه ظروف العاشقين ..؟!
ليه يفرحوا ...؟!
ليه يضحكوا ...؟!
مهما كانوا مظلومين ...
قلت له أهل الهوي ...
شوقهم يا روحي اكتوى ...
من غير طبيب ....
وكان هواهم الدوا ...
من جرح جوا ....
القلب عاش ...
ثم هوى ...!!
قدّر مشاعره ...
في الغرام ...
ولحبيبه احتوى ....
قلبي عاد لسؤاله ..؟!
يبقي إيه المحتوى ..؟
قلت له باختصار ...
إنك تقدم اعتذار ...
من غير تردد في القرار ...
وتدعي للقلب ....
اللي ظلمك ...
تطلع عليه ....
شمس النهار ...
وتسامحه من قلبك بجد ...
وترحمه من عذاب الانتظار ...
ولو قابلته اشكره ...
إنه ظلمك يوم وجار ...
د
حرّك مشاعرك جوا ذاتك ...
صححّ في نفسك المسار ..!
حتى الأسف كان ...
شيء طبيعي ...
بتقوله من غير اعتذار !
بتقوله من غير اعتذار !!
بتقوله من غير اعتذار !!!
ــــــــــــــــــــــــــــــــــــــــــــ
بقلم الشاعر/ أحمد عبد اللطيف النجار
شاعر أم الدنيا الحزين
ليست هناك تعليقات:
إرسال تعليق