أنا المسلم انا المظلوم - انا العربى عايش مصدوم
غريب الدار فى اوطانى - حقى فى البلاد مهضوم
نهارى مابين ضباب وغيوم - وليلى سواد وكله سموم
وناس تاجرت بأحزانى - زادونى على همى هموم
عايش مظلوم على أرضى - مابين فقرى وبين مرضى
انا القتيل بقيت جانى - وعاوزينى اكون مرضى
عايش فى همومى متخبى - القلب عليل ومتعبى
ورغم كل ده صابر - كإن الطيبه كانت ذنبى
لا ليا سعر ولا قيمه - والبركه فى حكامى
حرية رائيى دى جريمه - جزائى عليها اعدامى
ونخبه فاسده ولئيمه - سرقت كل احلامى
وافلام وعروض سيما - وقالو عليا ارهابى
بقلم / فاروق أبراهيم النجار
ليست هناك تعليقات:
إرسال تعليق