=====ما تسألنيش=====
سألت الليل بحنية
معايا يالليل ولا على
رد سؤالى بسؤاله
وانا مين فى الكون حن على
انا فى وقتى بواسى كتير
واطبطب على الى بات محروم
واخلى نجومى تبقى دليل
للغايب مع المهموم
وكل عتاب بيجرحنى
باصرخ واقول انا المظلوم
صاحبت الى جفاه النوم
احن عليه واواسى
وعمرى ما شفت ثنا فى يوم
ولا كلمة حلوة فى كراسى
صعب على الى بات عريان
وغطيته بسوادى
يقوم الصبح يلعنى
ويلعن سهرى وسهادى
تصعب على بنت الليل
اروح اداريها واسترها
تلعن وقتى وساعاتى
وكانى كنت بعاشرها
وجى دلوقتى تسالنى
معايا ولا على
وانا مين فى الدنيا دى
كان جه مرة حن على ؟
..ما تسألنيش
بقلم=رمضان على===
ليست هناك تعليقات:
إرسال تعليق