غدارة يادنيا
ليه قاسية يادنيا والله القلب قلب إنسان
ذاق المر بالعيشة الصعبة وصفى حيران
تبعثر حلمه وما ضل عنده أمل رغم انه فنان
رغم انه شاعر زجال يرد الحرف بحرفان
كل يوم يوقع ديوان رغم انه كاتب وأديب
يادنيا هدا ما هو حجر هدا قلب انسان
كرمه الله بالأرض ومع الزمن صفى متهان
كله هموم ومأسي وقلبه بالوجع مليان
لي تخلصي عليه يادنيا وهو أصلا خلصان
خِفِي عليه يادنيا بدل ما قلبك حجر صوان
لا تسقيه كاس المر وتبرري انه هدا امتحان
لأنه الله إذا ابتلى عبد بكون بعبده رحمن
الدنيا صارت غابة مظلمة كلها مجهول وتوهان
أصبحنا مانشوف النور بل صرنا فيها عميان
لما يادنيا بتاخدي الأم بتكوني أخذتي الحنان
واللي يفقد أمه بصفي طول العمر وجعان
تبكي عيونه سنين ويشوف نجوم السماء ألوان
الشعب اختنق ياعالم وانتشر مرض السرطان
ياعالم هالمرض وجع القلوب وأخرس اللسان
والزمن ماعاد يرحم وقتلنا بسمه مثل الثعبان
وصفى الإنسان مقهور ووجه أصبح بهتان
بقلمي/عطالله دلول
ليست هناك تعليقات:
إرسال تعليق