قصيدة / يلا نعيش
لو بايدى أجيب لعمرى عمر تانى وأحبك.
واكتب بايدى ميلادى ابتدأ مع نبض قلبك.
يومها لاقيت الكون اتغير.
من بعد مكان فى عيونى صفير.
كنت بشوف الناس عايشين.
لكن بحياتهم مش حاسين.
كنت بعيش مع ناس بتغش.
عاشوا معاية بالف وش .
ياما سنين عاشوا فى خيرى.
ولما وقعت بصوا لغيرى.
على عشرتهم انا مش ندمان.
ولا هعيش على ذكرى زمان.
مهما يكون الحال هتحدى.
والأيام الصعبة اكيد هتعدى.
ياما بكيت واترجيت كنت فاكرهم زى الناس.
بكرة اكيد راح يشربوا من نفس الكأس.
وفجأة لاقيتك انتى قصادى غير الناس.
عرفت ساعتها ان الفرق فى الإحساس.
زى ماشفتك واتمنيتك فى احلامى.
حتى ملامحك كنت راسمها فكل كلامى.
يلا نعيش انا وانتى أيامنا الجايا.
يلا نعيش وننسى الكل حتى الدنيا.
يلا ونرسم بأيدينا طريق للعشاق .
ونعلم الكل ازاى للحب يكون مشتاق.
لأن الدنيا من غير الحب تبقى غريبة.
واحلا ما فيها ابقى حبيب وانتى حبيبة.
شعر / كمال البنا
ليست هناك تعليقات:
إرسال تعليق