لحظة .. ضعف
==========
لحظة ضعف ..
جواك مداريها ،، و مخبيها
فجأة بتنزل من عينك ..
دمعة حزينة
قدام الناس ..
من غير حتى ما تشعر بيها
تضحك و أنت بتمسح فيها
و انت بتتألم من جواك
تتمنى ان الوقت يعدى ..
علشان تنسى فراق أحباب
لكن الذكرى .. كتاب مفتوح
و اللى باقيلك منها .. سراب
تفتح فيه و تقراااه .. مع نفسك
كل ما تيجى .. صورته فى نفسك
انساه .. ليه غاوى بتعذب نفسك
أهو ... ماضى و راحت أيامه
و منه كمان ... اتعلم درسك
جايز ... تتحقق أحلامه
ما تفكرش ... فى ماضى ووهم
الحاضر ... هو اللى أهم
عيش أيامك ... و انسى ألامك
خليك متفائل ... و انسى الهم 👌
=================
بقلم
📝 الشاعر / ياسر عبد الحميد
بقلم
📝 الشاعر / ياسر عبد الحميد
ليست هناك تعليقات:
إرسال تعليق