... صندوق الصناديق ...
صندوقى الاسود
صندوق خشب
جوه منو
بلاوى زرقه مطرزة
وبطن خايفة مغصه
شايل الأهبل والأخير
شايل ضلوع مكسره
شايل هموم تملا زير
صندوق وداير
هو الى شايل
وانت فين من كل ده
والكل عامل فيها نايم
وهو سامع إن فيها
كل حاجة معقده
وهو شايف
ورقة بيضا معضعضه
لا عمرى خنت ولا هخون
أما نفسي انا خنتها
قلولى سيب حلمها
ولما تغيب اشتقلها
لكن دى طارت
فوق السحاب
ومش عارف أرحلها
قلولى مرة
مين معاك
ومين عليك
دى العيشه
جوه الاحتضار ممرره
قلتلهم ومالو إبراهيم
لما شاور على الكبير
وقلهم معرفش حاجة
ومخفش من نارو الكتير
ومين اللى
ماسك نبض قلمو
والورق بيناديه
ومين اللى
نازف دموع بتكوى
جرح قافل نور عنيه
ارمينى واجرى
فى البحر ومشى
يمكن اقدر أعوم
فى موج المستحيل
زى موسى لما راح
ورد لفرعون الجميل
كلماتى
🍃وائل صديق 🍃
ليست هناك تعليقات:
إرسال تعليق