انسى الدنيا حبيبى خلى الضحكة مالية الخد.
واوعى فى يومً يهمك ابدا حد
اضحك وانسى كل ما فاتك.
تلقى السعد يملى حياتك.
عيش يلا معاية بالطول والعرض.
دا احنا مصيرنا فى يوم للأرض.
لية نبكى ونحزن على شيء فات.
ونخلى حياتنا هموم واهات.
بأيدينا نخلى حياتنا سعيدة.
ونبدأ من تانى فى دنيا جديدة
دنيا يكون سكانها ملائكة.
لسه معرفوش غدر الإنسان.
مش ناس ضمائرهم متهالكة.
من غدر وغش فى كل مكان.
شفنا آسية وشفنا هلاك.
ولسه ياروحى قلبى بيهواك.
بوعدك وانت كمان يلا اوعدنى.
إن ميلت عليك يوم تساعدنى.
دا انت حياتى وكل ما لية.
ومليش غيرك فى الدنيا دية.
شعر / كمال البنا
ليست هناك تعليقات:
إرسال تعليق