قصيدة/قاضى الغرام احترت فيك يازمان واحتار دليلى معاك.
طبعك كدة غدار والكل ضاع فى هواك.
ياترى انا الظالم ولا انا المظلوم.
ياترى انا الجارح ولا انا المجروح. يمكن أكون ظالم وبجيب عليك اللوم ويمكن أكون جارح ويمكن أكون مجروح.
قلولى اشكى لقاضى الغرام شكواك. وأحكي على اللى عمله الزمان وياك. رحت لقاضى الغرام وفى أيدى شكوايا .
وحكيتله على اللى عمله الزمان ويايا.
رد عليه قاضى الغرام وهاجانى.
وقالى اوعى تلوم على زمانك تانى.
لا عمر الزمان عليك كان يوم غدار.
ولا عمرة يوم يقدر يفير الأقدار.
عمرك ومتقدر حبك واهو جالك .
يمكن يكون مكتبلك حبك بدل مالك.
ولا نسيت دعواك والسما مفتوحالك.
إن النبى الكريم فى الجنة يكون جارك.
وملايكا على الصفين يكونوا زوارك.
أرضى بنصيبك كدة تبقى أغنى الناس.
والغنى مش بالمال دا الرك على الإحساس.
شعر/كمال البنا
ليست هناك تعليقات:
إرسال تعليق