ومتزعلوش منى
لو مره اشتكيت
ليكوا الألم
واسيت عليكوا بالكلام
ابقوا افتكرولى كلمه حلوة
قلتها ساعة انسجام
واللا ضحكه ضحكتها لحظة غرام
وسامحونى لو زعلتكوا
او بكيت عنيكوا كلكوا
اصل الامور مش على
مايرام
واعذرونى لو سبتكوا
وبعدت بعيد عنكوا كلكوا
اصل التراب اشتاق لجسمى وجسمى حن
للتراب يبقى متبقوش
تزعلوا واترحموا على
واحد اتربى فى عشكوا
ومتزعلوش
ومتقلوش واحد وراح
كان زارع فينا الالم
وحاصد الجراح
اهو مات وراح
انتوا اصلكوا ماتعرفوش
انكوا نور الصباح
انكوا النور البراح
اللى كنت بشكيله كل
الجراح اللى قلبى فيه
صرخ وصاح
لجل اهدا واعيش مرتاح
يبقى حاسس انى ماشى
لسكة اللى يروح ماجاش
لسكة اللى يموت ماعاش
يعنى سكة مفيهاش رجوع
يعنى قلب مدفون فيه الوجع والوجع بتبكى عليه
كل الشموع
ومتزعلوش منى لو مرة
اشتكيت ليكوا الألم
واسيت عليكوا بالكلام
كلمات د/عادل رفاعى
(د/عادل ابو محمد)
الاثنين، 12 فبراير 2018
بقلم الشاعر ........عادل رفاعى
الاشتراك في:
تعليقات الرسالة (Atom)
ليست هناك تعليقات:
إرسال تعليق