الجرح فى الجبين بينزف
لكن هتفضل الراس مرفوعة
و الحزن فى القلب غاير
و النفوس موجوعة
لكن هنفضل نحب مصر
و هنفضل ندعى ربنا
ينجى مصر
من الغدارين و الخاينين
اللى عمرهم ما عرفوه
ازاى يعرفوه
و هما القسوة معششة فى قلوبهم
و هوا الرؤوف الغفور
ازاى يعرفوه
و هما بينشروا الضلمة
و هوا نور على نور
اللى بيعملوا كدة مش مصريين
احنا المصريين عارفينهم
حنينين و طيبين
و ساعة الجد جدعان اوى
يديلك حتى دمه
ما هوا مننا و احنا منه
وارض مصر جمعانا كلنا
على الحلوة و المرة
و تراب مصر
فى الااخر هيضمنا كلنا
جنب بعضنا حضنه
معلش خلص الكلام
دماغى وجعنى
و قلبى وجعنى
لكن مش هابطل ادعى
ربنا ينجى تراب مصر
و جيش مصر
و اهل مصر
اامين اامين
اامين اامين
الشاعر العجوزمرقص اقلاديوس
ليست هناك تعليقات:
إرسال تعليق