معرفش ليه
---------------
معرفش ليه بيحصلى يا ناس كده
مع انى بخدم كل الناس وبحب ده وده
بكل حب واخلاص وفي حبي مش متردده
ده طبع خلقنى ربى عليه مكنش يوم متمرده
لما صديق يطلب مساعده او حتى خدمه
يعنى قريب أو غريب والله مش فارقه
اجرى وارمح بكل جهد واخدمه من كل قلبى
ولا استنى رد الجميل ولا شكر منه وربى
طيب ليه بيحصل معايا كل ده
اول ما الخدمه تخلص خلاص اتنسى
وكأنى ما عملت شىء ويقولولى بتهيسى
انتى مين اصلا يا بنتى هى حقيقتك تتنسى؟
احنا اولاد الى كان باشا ف يوم ونرجسى
ساكن فى فيلا او شقه ملك ومستوى
وانتى ف حى فقير لازم لأوامرى تنفذى
لكل فقير عندى الدوا أنا مركز وقيمه وعالى المقام
فلوس وجاه يبقى انتى والى زيك عندى من الخدام
انتى فاكره انك هتبقى صحبتى صحبتك تطلع بكام ؟
والخدمه الى عملتيها دى مش خدمه
دى أمر منى وانتى لازم تقولى تمام
هما دوله يا كرام الناس
الى بينسوا ايه هو معنى الاحساس
فضلى عليهم وهما عيزنى ليهم مداس
هو الخير راح من القلوب وراح الاخلاص
أو احنا بقينا فى زمن المصلحه
وزمن الخير ولي وراح خلاص ؟!!!
الشاعره منال السويفى
ليست هناك تعليقات:
إرسال تعليق