بقلم /مصطفي المحمدى
راح الولد:
راح الولد
وقبل اسمة بتتولد
كلمة شهيد
وكل يوم
شهيد جديد
افرحى يا أم البطل
ومتزعليش
ومتخفيش
الدم سايل على التراب
نبت أمل
وقت الحصاد
قرب اكيد
لكن سؤال
مين السبب
مين الي خطط
مين آلي دبر
وارتكب
مين السبب
فشرع مين
وأى دين
ابنى يكون
متوضى رايح للصلاة
واخد عياله
بين ايديه
رصاصة تسبق خطوته
رصاصة تنهى سجدته
قبل السلام
ومن هنا
خلص الكلام
خلص عشان
اﻷه بتطلع من قلوبنا
علي راح
أبن الشهيد
محتاج براح
لجل ياخد
حق ابوة
وحق أخوة
وحق أم اترملت
واتبهدلت
بعد إلي راح
كتر الجراح
بيزود الغل فقلوبنا
وهيجى يوم
وهناخد الحق الي تاية
بين كفوف الغدارين
أصل الشهيد
عايش ما بينا
مستنى يسمع
صوت صياح المظلومين
الله أكبر
الله أكبر
نهز بيها المجرمين
نحصد رقاب الغاصبين
إلي خطط
وإلي دبر
وارتكب
يارب يوم فيه يتولد
قبل اسمى
كلمة شهيد
وكون بجد
عريس جديد
لكن سؤال
أخر سؤال
أيه التمن وقبضت كام
وهل ممكن تعرف تنام
والسبحة مقطوعة فإيديا
والدم كاسى الجلابية
وابنى مات قدام عنية
ودموعى
بتهز الجبال
لكن المحال
الدم دا هيروح هدر
هتشوفه ديما فى المنام
ومن هنا خلص الكلام
وهقولك أيه
من غير سلام
ليست هناك تعليقات:
إرسال تعليق