الثلاثاء، 28 نوفمبر 2017

يقلم ،📝 الشاعر / ياسر عبد الحميد .!!!(( مسكينة حوا ))!!!

!!!(( مسكينة حوا ))!!!
@@@@@@@@@

كلها تشبه لبعض ... و الأسم حوا
كلها من طينة واحدة .. مالكها قوة
نفس البرائة .. نفس الجرائة .. نفس
المشاعر
و دموع بتنزل من عنيها ..
و السم فيها سم غادر
مسكينة حوا .. بطبعها ..
زرعت وفاء على أرضها
كتر البعاد بيزلها ..
الوحدة كسرت قلبها
وصلتها للجنون
فجأة لقت صياد حنون ..
و بكفر بين ..!!؟
قالت و فيها ايه لو مرة أخون
مسكينة حوا ..
استكترت على نفسها ظلم السنين
قالت لأمتى هافضل لوحدى ..
ما بين طوابير مجروحين
تعبت من كتر الوفا ..
و ناس كتير كانوا لحالى مستغربين
و حاقول لمين ..
حاقول لنفسى
بكل قوة .. خطى طابور المظلومين
مسكينة حوا ..
نسيت كتير من عمرها ..
مدت أديها وفتحت قلبها
صرخت بعزم كبير ماليها
الدنيا ايه غير لحظة حلوة
و حضن دافى يضمها
و ابتدت تركب مراجيح الخيانة ..
ما فكرتش انها
شقت طريق زل و مهانة
مسكينة حوا ...
هاتعيش كتير .. تضرب فى طواحين الهوا
مسكينة حوا ...
سابت ضميرها يموت ..
من غير ما تديله الدوا
مسكينة حوا ...
قتلت مشاعر .. و اتغيرت ,,
نسيت ملامح أتبدلت
هاتعيش سنين ندمانة على حلم .. الرجوع
.. هاتبات ندم .. وتفوق دموع
مسكينة حوا ..
 يقلم ،📝 الشاعر / ياسر عبد الحميد .

ليست هناك تعليقات:

إرسال تعليق