الطاق طاقين
هنكفر بالدِّين
وخدانا لفين
فينها هدومنا هتعرونا
واحنايادوبك مستورين
سعار أسعار
وظالم جبار
وحديد ونار
وعيشة مرار
عليها مجبورين
تعليم
اسكان
صحة وسكّان
كلو في النازل
ف خبر كان
في سجون بانيين
إعلام هجاص
بطبل ورقاص
اتحزموا ما خلاص
هنلبس اكبر قرطاس
وفيه ناس بتصدق
في الشمس تحدق
في الظلمه تبرق
في البرد تعرق
وأخرتنا زفت
متعاص طين
عسس وعساكر
يانهار اسود ياساتر
اعمل ناسي ومش فاكر
و مشلول مش قادر
اه لو لموك
اسمك ينسوك
بعذاب يشووك
واسمك مش فاكر
وقضا وقضاء
مع العدل
في عدا وجفاء
عدالة وشغالة
احكام بسفالة
تصدر بهباله
الرحمة يارجاله
وفينها الرجاله
قلبوها حريم
وشقق لدعارة
زي ما بيقولو
برضا و اتفاق
وكله متاح
ابرز تُستباح
وسلاحك الرشوة
طفاشة والمفتاح
وفتاوينا تفصيل
تحلل وتحرم
حسب التساهيل
بتصدر باوامر
وكله بالساهل
لكبير المهابيل
الطاق طاقين
هنكفر بالدِّين
وخدانا لفين
(محسن عيسي)
ليست هناك تعليقات:
إرسال تعليق