((((( قط الخيانة )))))
دوق طعم الخيانة
و إعرف اكتر مرارتها
عرفت ازاي إنها صعبة
لما تجيك من اللي حبيتها
نفس المرار دوقته معاك
لما خنتني عشان حضرتها
دوق دلوقت و إشرب مرارها
ما الدنيا خلاص خدت لفتها
عرفت ازاي الخيانة مره
وإنك معايا خنت ضحكتها
اهو درس وجالك يعلمك
عشان تدوق المها و دمعتها
صرنا اتنين دلوقت متخانين
انا ضحية حبي ليك إنت
وإنت ضحية عقلك و جهلك
وضحية سكة غدر مشتها
زي القطط غدار في حبك
ولا ليك أمان في الحب أناني
طز في القلوب المهم قلبك
منتا في الحب كنت الجاني
دوق اكتر على قد خيانتك
عشان تجرب طعم مراري
سمعت منها نفس كلماتك
اللي قلتها وانت عليا بتداري
مش حيفيدك تخبي دموعك
ولا حيفيدك الصوت العالي
يكفيني شفت أنا خضوعك
ودموع عينك كانت قصادي
صائغ القوافي الشاعر
فهد بن عبدالله الصويغ
28-8-2017
فهد بن عبدالله الصويغ
28-8-2017
ليست هناك تعليقات:
إرسال تعليق