((((( كامل الحسن )))))
عشقت الزين عشقت غزال أغزله
من شعاع الشمس خيوط تهناله
عز الجمال ربي غزال تحت ظله
عطاه الزين وعطى الباقي من جماله
كامل الحسن من حظي أنا من شله
و تمتعت وحدي بحسن زينة وكماله
سبحان من خلقه ما بيه و لا علة
الكامل كمله و زينه بزين خصاله
فتنة لا ناظرته مستحيل أمر و أخله
و إشلون أرحل وهو للقلب شاله
ماعرفت حسن قبل اليوم يوصله
ولا شفت عين تتركة إلا وهي سيالة
يا عاشق الحسن تراك قسم ما تدله
ما يدله إلا من تحمل غرورة و دلاله
هذا اللي أحبه وأعشقه وكلي أنا له
و لو يبي الروح تراها قسم كرماله
يستحق أبيع دنيتي لجل أوصله
ويش فيها لو تدلل علي و أنا حلاله
الشمس والقمر من نور خلي واصله
والنجم يقدح منه بالسما بنور جاله
ذا اللي عشقته أنا وبعشقي له أجله
أحترمه و أحترم أبوه و عمه و خاله
صائغ القوافي الشاعر
فهد بن عبدالله الصويغ
27-8-2017
فهد بن عبدالله الصويغ
27-8-2017
ليست هناك تعليقات:
إرسال تعليق