( والله وكبرتي )
والله وكبرتي يا بنتي
من وسط جيلك بينتي
كبرتي وبقيتي ملاك
في الجنة هتكوني هناك
عيونك بتشع براءة
براءتك يلزمها جراءة
انتبهي حواليكي ذيابة
بيعتبروا البنت ذبابة
أنا شايف علامات الساعة
وعيون الحاسدين ولاعة
إياكي من لبس خلاعة
ولا تكوني لإبليس سماعة
دي حلاوة البنت أدبها
مين قال الفقر دا عابها
أدبها مرسوم ع الجبهة
إياكي والمشي شمال
أو ثعلب يغويكي بالمال
حذاري م اللبس العاري
من الفاسد لو قاللك شاري
ولا تصاحبي وتقولي دا جاري
يا بنتي في الدنيا وحوش
بيتداروا في أقنعة ووشوش
بادعيه يسترها معاكي
سبحانه بإيديه سواكي
عصام الباز
ليست هناك تعليقات:
إرسال تعليق