خلينا اصحاب
مش دا كلامك
والا انت ماكنتش حاسس بيه
لا عملت حساب
لمشاعر واحد كان يعشق
في تراب انت
بتمشي عليه
وجاي بعد ما سيبتني
بتقول حقيقي فهمتني
ماكفايه يوم موتني
بعديها جاي تحيني ليه
==============
ليه جيت
بعد اما قولت إن انا مش ليك
حسيت
ولا ماحدش حاسس بيك
ماانت اللي قولتيلي
عيب إني
أتعدي حدي
وأفكر فيك
ورضيت
ومشيت بقلبي أعاتب فيه
وبكيت
من ظلم واحد حسيت بيه
وحلفت طبعاً بعديها
حبك دا فيا
خلاص همحيه
وجاي بعد ما سيبتني
بتقول حقيقي فهمتني
ماكفايه يوم موتني
بعديها جاي تحيني ليه
===============
مليت
من كتر حبي ليك فيا
ودريت
جوايا ميت ألف قاسيه
ماانا عمري مااقدر اكون
زيك
وأحب واحد مش ليا
ولاقيت
إحساسي بيك بقدر أداريه
وبقيت
ناسي اللي فات مش
مستنيه
واستني ليه قولي بقي
ومكاني جواك مش بلاقيه
وجاي بعد ما سيبتني
بتقول حقيقي فهمتني
ماكفايه يوم موتني
بعديها جاي تحيني ليه
===============
خلينا اصحاب
أنا مش واحد تلعب بمشاعره
وقت مايبقاش ليك أحباب
ودا كله سراب
قلبك لو حد صحيح مانعه
كنت انت ماعشتش في الدنيا
زي الأغراب
===========••••أحمد طلبه
٢٠١٧/٨/٢٨
ليست هناك تعليقات:
إرسال تعليق