قلبى الملاك
سألتك قولتى مش راجعه .. ودلوقتى بتشكى والناس سامعه
وفيه على الخد كده كام دمعة .. طب ماأنتِ طفيتى شموع الحب
وماعدش باقى ولا شمعة
لو قولتى ندمانة ألف مرة لا يمكن تانى أرجعك
ما أنا ياما كنت كتير بأدلعك .. تتكلمى وأنا أسمعك
وجايه دلوقتى بتحكى .. طب خلى الناس بقى تنفعك
كنت لجروحك دوى .. لكن إنتِ خلاص بعتِ الهوى
فلا يمكن تانى نرجع سوى
زرعتِ فى قلبى جرح كبير .. ومن أحزانك إرتوى
قلبى البرىء معاكِ إتظلم .. ولا عاد هايفيد عتاب أو ندم
فارس أحلامك أهوه إنهزم ..
وحبل الوفاء إنقطع .. والحب خلاص أصبح عدم
قلبى الملاك بيودعك .. ولا يمكن تانى أرجعك
روحى خلى الناس بقى تنفعك .
بقلمى . السيد سعيد سالم
ليست هناك تعليقات:
إرسال تعليق