فين راح ترسى
مراكبنا
ويزول الهم
اللى راكبنا
ونرمى حمول الاسى
والويل
ونداوى جراح
قلب عليل
ويهل الفجر
بعد الليل
ونتلاقا بحبايبنا
**********
لو نضحك
نلاقى الضحكة بهتانة
ولو نبكى
بحور الدمع مليانة
وافراحنا
يا دوب ساعتين
واحزانا
سنين وسنين
ماتقولى
على فين رايحين
وعلى فين
يا دنيا واخدانا
**********
ومين راح
يجبر فؤاد مكسور
سهران ليالى
حزين مقهور
ومين هينور
ليالينا
ومين راح
يزرع امل فينا
ويفكرنا
بغناوينا
ويفتح لينا
طاقة نور
**********
وليه يانفسى
ظالمانى
وليه علطول
معاتبانى
مالمانى ووجعانى
كانى نسيت
احبابى واصحابى
واجمل زهر
فى شبابى
وكانى نسيت
فى البعد
اوطانى
***********
يا بلدى
لا يمكن انساكى
وهييجى يوم
والقاكى
صبيية
ملفوفة بالطرحة
وفيكى
اشجار النخيل طارحة
ولا فيكى
طيور جارحة
ولا عصابة
وليل وظلم
وديابة
ولا نشوف
الزفة كدابة
ساعتها يهون
الف عمر فداكى
بقلمىمجدى ابو زيادة.
ليست هناك تعليقات:
إرسال تعليق