قوليلى يا بلدى
قوليلى يا بلدى
إنتى ليه كدا نسيانى
كأنى مش ابنك
وأيديكى هيا اللى شايلانى
وانا طول عمرى
مخبيكى فى قلبى وكيانى
محسسانى ليه
انك زهقانه ومش طايقانى
إن قلت ٱاااه
يقولوا عليا دا عميل وخاين
يعنى لازم اكدب
والجرح مفتوح ونزيفه باين
ولا أشهد زور
إننا عايشين فى قصور وجناين
وأنا والله صادق
على بلدى حريص وللشرف صاين
خمسين سنه واحنا
محبوسين فى عنق الزجاجة
ونشد الحزام
علشان بلدنا لكل قوتنا محتاجه
واحنا مصدقين
وكلنا طيبه وبراءة وسزاجه
ونطلع من نقره
ننزل فى حفرة تساعى براجه
بلدنا اللى كانت
وسط الظلام نبراس وشمعة
كل الدنيا عارفاها
والأمم كلها عننا قاريه وسامعه
والحضارة والتاريخ
وٱثارنا تقول اننا اقدم جامعه
النهارده تبكى
والعيون ليل ونهار حزينه ودامعه
صبرى عباره
ليست هناك تعليقات:
إرسال تعليق