ضحايا الهوی
... ... ... ....
وجينا الدنيا نتمني
نعيش نعشق ونتهني
ونستني .. ونستني
أمل عشناه في احلامنا
ولما الحب جه زارنا
جرينا فتحنا ابوابنا
وقام القلب ..
رقص .. غني
ويتمنی .. وأتمنی
وقولنا هندخل الجنه
عشقنا ماكانش علي بالنا
يغير الهوي في حالنا
ويبقي الصبر موالنا
نقضي في جرح أيامنا
وسهد ونار في ليالينا
قلوبنا بتبكي وعينينا
نداري الدمع بايدينا
من الناس اللي حوالينا
ونكره يوم ماحبينا
لاعارفين الغلط فينا
ولا من اللي حبينا
قدر مكتوب علی جبينا
يموت الحلم اودامنا
ولا هيفيد ندم فينا
ولا ترباق هيشفينا
عشقنا با ريتنا
ما عشقنا ..
ولا بسمتنا ضحينا
عصام امام
26/9
2017
26/9
2017
ليست هناك تعليقات:
إرسال تعليق