⏪اسمعها 👌منى👉
👌..................👌
صاحبى ... اسمع منى قوولى
و اسمع كلامى ... من سكات
فى قبلك .. ياما كتير قالولى
فيه ناس كتير .. ضميرها مات
اللى شافك ... عكس صورة ...
كنت شايف .. فيها نفسك
و اللى فايتك .. من زمان
... دلوقت جاى .. ياخد بحسك
تبتدى .. تحكى اللى كان ..
أول ما سابك .. جاب فى سيرتك
و اللى بيقوللك .. يا غالى ...
و عاش معاك ... أجمل ليالى
لو قصدته .. يوم فى حاجة ..
على طول يقول .. سيبنى فى حالى
و اللى ياما .. و اللى ياما ...
كان يقابلك بابتسامة
لو فتحت كتاب ضميرة ...
تقول على .. الدنيا السلامة
هية توهة .. ولا دنيا ...
ليه الضمير .. بيموت فى ثانية
و انت جواك .. حاجة تانية ...
و الوفا ... مكتوب عليك
لسة ما خلصش الكلام ...
دى الحياة ... فيها و فيها
مش هاتقدر تمشى خطوة ...
الا لو عشت فى ماضيها
لما صاحبك .. يوم يخون ...
و انت طول عمرك .. تصون
يبقا كل شىء .. يهون ...
لو زمانك .. كان ناسيك 👌
👌***************👉
بقلم 📝 الشاعر / ياسر عبد الحميد👉👉👉
#31/1/2018#
ليست هناك تعليقات:
إرسال تعليق