(ماننهزم)
شماصابنه الضيم ماننهزم
هم شايف الريح تهز الكاع
مثل الجبل ونبقه صامدين
وشماعله ريح الظلم
لابد يهده
تظل سمانه بريحنه صافيه
ويعدي غيمنه ويمر مطار
صدكيني يجي يوم
وترجع عصافير الفرح
وتعانك اغصان اشجاري
ويهل الفرح ع الورد بالبستان
وتسمع صوت الزغاريط
بكل مكان بالغاب
وترجع ذيج الدنيه خضره
ويرجع عشب بينه
وتخضر الكاع وتبتسم
وتشوف الرطوبه منديه
لابدترجع انهار لمجاريهه
ولابد ترجع الكاع لاهلهه
وترجع ذيج الحياة حلوه وجميله
وتتراقص عصافير الفرح فوكانه
وتتوالد حياة اشكال والوان
وينوجد حوالينه ناس طيبين
وتبده حياة البريه تمارس عرفهه
وتبده اشجارنه تكبر بكل يوم
وكل موسم تطرح ثمرهه
وتمطر سمانه وتورد الكاع
ويظهر عشبنه مد البصر خضار
وتختفي احزانه بنص هاي الشجار
وننسى كل هم شفناه
ونحس الدعاء بهاي الساعه مجاب
وشتتمنى ربك اعطاك
صدكيني في يوم ننولد من جديد
بس انته احبل بافكارك
ازرع كل فكره في بستان
وانته اسكيهه للفكره
مصير الفكره تعله في يوم
وتطرح ثمرهه
انته وحدك الحاصود
وكل الثمار انته اهلهه
شتريد بس اتمنه
شبيك لبيك بفكارك تهنه
عرس هاي الفكره من نزرعهه
وتسع شهور بنص العقل حبله
من تنولد فكره تحس بيهه الام
بس من تشوف الفكره منولده
تنسيك الفكره كل الام واوجاع
وينك يفكره كافي غياب
ملينه الصبر ومحتاجينك يفكره
ولابدفي يوم وتنوجد هاي فكره
وتضوي عقلنه ويشع فكرنه
ويصبح الضو يضوي الطريق
ويزول الظلام من شوفنه
ونصبح امل للناس الحوالينه
صدكني نكدر نشع نور
بس انتابع انوار الحياة
ونترك طريق الظلمه ونسده
يمكن نصيرن مثل الشمس
تضوي الحواليهه
صفاء جاسم
ليست هناك تعليقات:
إرسال تعليق