((( ليه العتاب فيه الســـــــــــــــــــــحاب من غير مطر )))
/////////////////////////////////////////////////////
ليه العتاب فيه السحاب من غير مطــــــر -----
ليه العيون تسقى الجفون وقت السحـــــــر
لو كان عتاب دون الجواب يبكى الحجـــر -----
ولو كان ضباب تحت السحاب يبقى خطر
دا الخير بييجى مع السحاب ويّا المطـــــر -----
لكن الضباب بين القلوب يعمى البصـــــر
وإللى ماشاف اصل العيوب فاقد النظـــــر -----
وإللى بيلعب بالحدود إيمانه فى خطــــــر
يا ناس كفاية من الذنوب بين البشـــــــــر -----
وكفاية لطم على الخدود ســــــــاعة القدر
ما غيره علّام الغيوب يمحى الخطــــــــر -----
ما غيره هيّكفر ذنوب ساعة المطـــــــــر
ولاغيره هيرطب قلوب صارت حجـــــر -----
ولاغيره مين يحمى الحدود بين البشــــر
وليه العتاب فيه السحاب من غير مطـــر -----
وليه العيون تسقى الجفون وقت السحــــر
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تحيــــــاتى // الشاعر // ( عبدالله الحجـــــازى 
ليست هناك تعليقات:
إرسال تعليق