ورقة وقلم
يامين يدينى ورقة وقلم وأرض خضرة وضلاية.
ويسبنى اكتب واحكى واطلع اللى جواية .
نفسى احكي من غير ماحد يقولى مالك.
ولا مرة اسمع صوت يقولى اية جرالك .
نفسى استمتع ولو مرة بوحدتى.
أو حتى اخد فى حضنى مخدتى.
واحكي معاها زى ماكنت بحكى زمان.
واحنا بنغنى لثومة سوى أجمل الالحان.
كنت بعيش معاها كل يوم فى لحن جميل.
ولا كنت أعرف يعنى اية المستحيل.
كنت بطير بمخدتى وسط الغيوم.
ولا كنت اشوف فى السماء غير النجوم.
كنت فاكر انى هفضل طير يرفرف بجناحات.
ولا يوم هييجى اولادى تكبر ويقولوا هات.
ودروس خصوصى بقت ياعينى بالساعات.
الحصة الواحدة بقت يادوب بمائة جنية.
ولا تقدر يوم تسأل مدرس ازاى ولية.
كان دة فين من بدرى لية مستخبى.
مش كنت طاير فى السماء والنجوم جمبى.
عرفتوا لية كنت حابب أعيش فى وحدتى.
واخد كمان فى حضنى مخدتى.
اوعوا تلومونى وقولوا علية منطوى.
بكرى كل واحد فيكوا زيى ينكوى.
بقلم/كمال البنا
ليست هناك تعليقات:
إرسال تعليق