((((( سلام مني )))))
سلام مني يا ناسي القلب و هاجرني
سلام بعد الغياب يجيك يطمني
على دروب المحبة يجيب لك سلام
يذكرك باللي تحبه و ليالي الغرام
يفكرك سلامي بطول أيام الفراق
بشوقي و غرامي و بكثرة الأشواق
سلام يا هاجر وناسي هواك
إشلون إنت قادر تنسى غلاك
خبرني إشلون علمني الصبر
إشلون يا غلاي صبرت الزهر
ليتك تعلمني أكون مثلك صابر
أصبر على البعد و أصير مثلك قادر
قلبي من غيابك ما عاد ينبض أبد
صابه عذابك ولا عاد يعجبه أحد
ليته تعلم فنون الهجر والألم
قبل يتألم و تصير حياته عدم
سلام مني يا هاجر ينقلك أخباري
لجل ما تقول بعدها ما كنت داري
يمكن تحس فيني و تجي تلحقني
بنظرة تداويني و ترجع تواعدني
تردد كلام الحب وتاخدني بأحضانك
سلام من محب للي هجر حبي
سلام عليه صعب ينسى يوم قلبي
شهور عدت وليالي طوال
وأنا يا هاجر على ذا الحال
بالحب و الأشواق أتمنى تجيني
ترجع تطمني و تشوفك عيني
بلاش تذوقني نيران الهجر
ما عاد فيني القلب يحتضر
فهد بن عبدالله الصويغ
3-2-2017
ليست هناك تعليقات:
إرسال تعليق