((((( سيباني ليه )))))
سيباني ليه في البعد أعاني
مشيتي بعيد و سيبتيني لزماني
سيبتيني أسرح في ليالي الشوق
بعد ما كنتي لوحدك مليا مكاني
العمر بيعدي يا مالكه قلبي وعقلي
لنا قادر أبوح بالحب ولا قادر أخبي
من بعد الشوق اللي ملك لي كياني
وغرام ما عشتهوش في حد تاني
لنا قادر عنه أبعد ولا قادر منه أفوق
ليه قلبك قاسي ليه بقى أناني
دا اللي مابينا كان ينحكي بحكايات
وأهل الغرام يكتبوا فيه روايات
إزاي في يوم وليله قلبك بس نساني
من بعد ماكان طبيبي بقى جاني
مين حيديلك قلب أخضر زي قلبي
مين حيغنيلك اغاني الحب يا حبي
دنا عشانك إتحملت عذاب وسهر
عشان نظرة من عيونك يوم تلقاني
مين علمك تبعدي وتحرقي دنيتي
مين عودك تسرقي قلبي من جنتي
ليه قلبك يا قلبي بقى عليا حجر
ونسيتي اللي كان مابينا في ثواني
صائغ القوافي الشاعر
فهد بن عبدالله الصويغ
29-6-2017
فهد بن عبدالله الصويغ
29-6-2017
ليست هناك تعليقات:
إرسال تعليق