((((( بيان الحب )))))
بيان للحب اللي كان بينا
قلبي معدش زي الأول
يتحمل ظلمك وعذابك
ولا بقى يقدر منك يتسول
ولا يقدر يوقف تاني على بابك
لا قادر يتحمل بعدك وهجرك
ولا قادر يبقى تحت أمرك
بيعلنها النهاردة ويرجع مستقل
داه ياما شرب من مرار غدرك
وياما داق الظلم يا مستغل
كل اللي فات وكان بيجمعنا
مات النهاردة في دنيا العشاق
معدش فيه حب زي ما كنا
لما كان الحب ينور قمر مشتاق
بيان للحب مابقتش بتوجعنا
جربت الحب وجربت ناره
ماخدتش منه غير حيره وألم
خدني ل بحر الشوق وسابني
علمني إزاي أموت غرقانة
ملا قلبي دموع وحرقة و ندم
صدر البيان بيعادي كل الحب
ولا عاد تاني يفكر فيه
أصدر قراره القلب يبعد عنك
يبعد عن غدرك وهجرك وظلمك
أعلن إن الحب ملكش فيه
صائغ القوافي الشاعر
فهد بن عبدالله الصويغ
28-6-2017
ليست هناك تعليقات:
إرسال تعليق