أحمد طلبه

أنا بتمني أعيش في حياه
ما فيها حد يخدعني
مجرد حلم بتمناه
ومين م الناس هيسمعني
أنا راضي بأحوالي ..... وبحمد ربي عالأحوال
مهو بالدنيا راس مالي ....كلام حلو يا دوب يتقال
ومهما الجرح يإذيني
أعدي وأقول و ايه يعني
ما فيا كتير مكفيني
ومين من الناس هيسمعني
••••••••••••••
بشوف الكل حواليا
بيلبس وشً معرفهوش
ومهما حبيب قسي عليا
أسامح حتي مكرهتوش
ومش ضعف لكن طيبه ..... دا أه الغدر فيه عيبه
حبايب اصبحو غريبه  ... يبيعو حتي ميخلوش
ومين يقدر يكون انسان
يحس بشيء بيوجعني
وحتي السر في الكتمان
ومين من الناس هيسمعني
••••••••••••••
حلمت أعيش أنا في زمان
مليه الخير وفيه الحب
يعيش الحر فيه بأمان
لا يعرف حتي غش وكدب
اأقرب ناس بقت بتخون .... وحتي الدم بقي بيهون
مفيش فعلا طريق مضمون ... وأصبحنا يادوبك غرب
ودي حكايتنا وانا فيها
بخاف من شيء يضيعني
دي دنيا وايه جري ليها
ومين من الناس هيسمعني
•••••••••••••
أحمد طلبه
٢٠١٧/٦/٢٧
مين من الناس هيسمعني