من حد مرج زهور كنتي مارقة
مج الزهر عطرك شافك قبالو
قراص الشهد سالت منك دالقة
عبّى الحلا وفكّر خيالك خيالو
............ ........... ...............
تمايل الريحان مذوبل ومحسود
ع زنبق الغيرة صار يتحرّق
من حسنك المشكول عنبر عود
يطرطش وسامة ت تهامسوا لِورود
الله خلقنا متلها قبل ما نخلق
......... ......... ...........
شاعر مرق بالحي بالصدفة
هونيك حد طيفك قعد يرتاح
يخرطش شعر ت يشوفك بحرفة
عبّى المحبرة من عطرك الفوّاح
ويكتب قصيدة من قافية ولهفة
تذكّرك مش هون بعد ما راح
........... .......... ........ .........
خالد الاعور..
ليست هناك تعليقات:
إرسال تعليق