((((( دايمآ معايا وانت غايب )))))
مهما بعدت عني سنين وأيام و ليالي
مهما سفرت عني بعيد بعيد
حتفضل بقلبي و فعقلي و في بالي
و قلبي حيفضل شايفك دايمآ عيد
لو كل الدنيا إتغيرت ماتغيرش أحوالي
مش ممكن أنساك يا حبي الوحيد
دنا من غيرك معرفش ايه اللي يجرالي
رغم البعد لسه القلب فرحان وسعيد
عايش على ذكراك كأنك دايمآ قبالي
في ثانية ودقيقة شريط بيعيد ويزيد
أصلي حبيتك حب لسه ماحصلش
حب محدش سمع عنه في دنيا الغرام
حب جديد لقلبي أنا وإنت وبس
معداش على حد قبلي من أهل الهيام
مافيهوش ليه ولا لأ ولا كلمة مقدرش
حب جديد مالي قلبي حب و سلام
ما تسألنيش إزاي يا حبيبي معرفش
بقيت جوايا ساكن زي طير الحمام
تطير وتغيب وترجع ولا أسألش
روحين بروح واحده ماتعرفش ملام
حبك غريب ماشوفتش زيه يوم
ولا سمعت عنه في حكايات العشاق
لا بيطير من عيني مره النوم
ولا بيسقيني عذاب الألم و الفراق
أكلمك بخيالي ترد عليا ياقلبي وتلوم
ليه اتأخرت عليك بردي وانت مشتاق
ويوم ورى يوم بعدت عني الهموم
وبقيت وحدك يا حبيبي كل الأشواق
أغمض عيني تجيني من بحر العوم
تريح قلبي وتهديني بكلمة وفاق
صائغ القوافي الشاعر
فهد بن عبدالله الصويغ
27-6-2017
ليست هناك تعليقات:
إرسال تعليق