حغني اقول موال فى بني الإنسان
يابن آدم كفاية قتل ده اخوك كمان
حتكسب من وراه ايه غير لعنه الأديان
دي اخرتك حتقف عريان
ده اخويا و أخوك وأمي وأبوك كلنا شريان
من نسل آدم يا عبد يا غلبان
بعت نفسك
بعت نفسك بشويه فكة ونسيت المنان
كسبت ايه غير طاعة الشيطان
زن على ودانك وقالك القتل من الإيمان
هاتلي دليل واحد يقول ده كلام الرحمن
أو طلعلي آيه وحدة من الإنجيل ولا القرآن
بتقول القتل حلال يا صاحب الإدمان
رافع رايتك السودة وخلفك الغربان
بتقول على نفسك مؤمن وانت للأسف حيوان
بقلمي
احمد عامر
ليست هناك تعليقات:
إرسال تعليق